Ambasadori i Shqipërisë në Kosovë, Petrit Malaj është takuar me  Komandantin e KFOR, Gjeneralmajor Ozkan Ulutaska.

Gjatë këtij takimi, Malaj ka theksuar se rruga e vetme për normalizimin e marrëdhënieve Kosovë – Serbi është ajo e dialogut, shkruan Arbresh.info.

“I shoqëruar nga Atasheu Ushtarak Kolonel Altin Kurti, zhvillova një takim miqësor me Komandantin e KFOR, Gjeneralmajor Ozkan Ulutas. Gjatë këtij takimi biseduam për situatën e sigurisë në Kosovë. Gjeneralmajor Ulutas falënderoj Shqipërinë për mbështetjen që i jep KFOR-it.” , shkroi ai.

Tutje, Malaj ka konfirmuar se Shqipëria do të vazhdojë të mbështesë KFOR, duke thënë se “vendi ynë e ka Kosovën në prioritetin më të lartë.”

“Po kështu, kjo mbështetje do të vijojë pasi në vitin 2024, Shqipëria do të rrisë prezencën e saj. Gjithashtu, i bëra të ditur se rruga e vetme për normalizimin e marrëdhënieve Kosovë – Serbi është ajo e dialogut”, ka shkruar ai./Arbresh.info/