Nënkryetari i LDK’së, Lutfi Haziri, ka qenë i ftuar në emisionin Frontal në T7 ku ka folur rreth zgjedhjeve të 6 tetorit. Haziri ka përmendur koalicionin parazgjedhor me Vetëvendosjen i cili nuk arriti të realizohet. Po ashtu, ai ka treguar se a do të jetë kreu i LDK’së, Isa Mustafa, pjesë e listës së kandidatëve për deputetë.

Haziri ka treguar se Mustafa nuk do të jetë pjesë e listës së partisë për deputet.

“Isa Mustafa momentalisht e ushtron vetëm detyrën e kryetarit të LDK’së. Mua mi ka deleguar disa punë rreth fushatës dhe zgjedhjeve, por detyrën e kryetarit është duke e kryer çdo herë me përkushtim. Natyrisht që ai nuk hyn në listë, nuk ka qenë as në herën e kaluar”, ka thënë Haziri në T7.

Haziri po ashtu ka thënë se pjesë e listës do të jenë edhe disa emra të rinj për të cilët nuk ka treguar se kush janë.

“Do të ketë emra që do të ju befasojnë, emra të rinj”, tha Haziri.