Lladrovci përfundimisht shërohet nga virusi

11:15 | 26 Gusht 2020
A. B.

Sot arritën rezultatet përfundimtare se kryetari i Drenasit, Ramiz Lladrovci është shëruar plotësisht, gjë të cilën e konfirmoi ai në një postim.

“Uroj shërim të plotë për të gjithë të infektuarit, me dëshirat më të mira të mos ketë të infektuar të rinj”, ka shkruar Lladrovci.

Ja postimi i plotë i tij:

Përfundimisht u konfirmua se tashmë, covid-19, e kam mposhtë plotësisht, jo aq lehtë sa e mendoja por megjithatë ia arrita.

Falënderoj mjekët, infermierët dhe stafin e Klinikës Infektive, dhe QKMF-së në Drenas, për kujdesin e madh ndaj meje dhe përkushtimin për luftimin e virusit.

Falënderoj Vjosa Osmanin, Mimi Kodhelin, Jim Mehmetin, Qemajl Minxhozin, Selim Krasniqin, për mesazhet e vazhdueshme dhe përgëzimet për shërimin tim.

Uroj shërim të plotë për të gjithë të infektuarit, me dëshirat më të mira të mos ketë të infektuar të rinj.

Respektoni rekomandimet e IKShPK-së, barte maskën, ruaje distancën, mbaje higjienën! /arbresh.info/