Deputeti i Kuvendit të Kosovës, Fatmir Limaj ka filluar fjalimin e sotëm me disa sugjerime për kandidatin për kryeministër të Kosovës, Albin Kurtin,

Limaj ka propozuar që Kurti të ‘ulë kokën’ e të mësoj si funksionon shteti, shkruan arbresh.info.

Ai ka kërkuar gjithashtu që Kurti të kujdeset me veprimet dhe fjalorin e tij.

“Po fillojmë sot me mandatarin me disa sugjerime, kemi me pas kohë të mjaftueshme mu pajtu ose jo. Sugjerimi im është me ulë kokën e me nis mu sjell si Kryeministër i Kosovës e me punu si burrështetas me nis me i shërby vendit. Mandatari në mënyrë të veçantë në të kaluarën nuk e ka kursyer fjalorin e tij. Parlamenti i vendit tonë është institucioni më i lartë dhe duhet të jesh i kujdesshëm për veprimet e fjalorin që e përdor. Albini ka shumë punë për ti përmirsuar e ndryshuar nga Albini i opozitës”, ka shtuar ai.

Limaj i është drejtuar gjithashtu Kurtit me fjalët ‘para kohe ke ardhë në pushtet’./arbresh.info/