Ishte raportuar si i zhdukur që nga nëntë shkurti, 56 vjeçari është gjetur sot pasdite pa shenja jete.

Viktima është gjetur në një zonë malore në fshatin Skoqne të Vushtrrisë.

Zëdhënësi i Policisë së Kosovës për rajonin e Mitrovicës, Avni Zahiti ka thënë për arbresh.info se viktima është identifikuar nga familjarët e tij.

“Në orët e pasdites së sotme Policia në Vushtrri ka pranuar informacion nga ana e një qytetari mashkull kosovar i cili ka informuar se në një zonë malore në fshatin Skoqne të Vushtrrisë, kishte hasur në një person të shtrirë. Njësitë relevante dhe ekipi mjekësor kanë dalë në vendin e ngjarjes ku është konstatuar vdekja e viktimës dhe është identifikuar nga familjarët trupi i pajetë” , është shprehur Zahiti.

Sipas tij, trupi i pajetë i viktimës është dërguar Mjekësinë Ligjore për obduksion.

“Viktima D. S., 56 vjeçar, që nga data 09.02.2021 ishte i raportuar si person i zhdukur në Stacionin Policor në Vushtrri. Me vendim të prokurorit trupi i pajetë është dërguar në Institutin e Mjekësisë Ligjore për obduksion”, tha tutje ai./arbrsh.info/