Lajçak për takimin rreth targave: Ka përparime nga dyja palët

Serbian and Kosovo flag, conflict concept

23:52 | 25 Shkurt 2022
Gita

Të premten janë takuar për herë të pestë dy delegacionet e ekspertëve të Kosovës dhe Serbisë për marrëveshjen për targat

Takimi i tyre është mbajtur në Bruksel me ndërmjetësimin e të dërguarit të Bashkimit Evropian për Ballkanin Perëndimor, Miroslav Lajçak, shkruan arbresh.info.

Lajçak, ka njoftuar se ekspertët e të dyja palëve kanë avancuar për të kuptuar më mirë të gjitha opsionet ekzistuese që u janë paraqitur.

“Sot në Bruksel është mbajtur takimi i 5-të i grupeve punuese për targa me ekspertë nga Kosova dhe Serbia. Ekspertët kanë avancuar për të kuptuar më mirë të gjitha opsionet ekzistuese që u janë paraqitur. I inkurajoj ata që të vazhdojnë të angazhohen në mënyrë konstruktive”, ka shkruar Lajçak në Twitter./arbresh.info