Lajçak: BE-ja pret që personat përgjegjës për sulmin në Banjskë të sillen para drejtësisë

18:54 | 30 Janar 2024
E.G

Emisari i Bashkimit Evropian për dialogun Kosovë-Serbi, Miroslav Lajçak në një deklarim për media pas takimit me kryeministrin e vendit, Albin Kurti ka folur edhe për çështjen e dinarit.

Ai tha se kjo çështje është diskutuar gjatë takimit të djeshëm me presidentin e Serbisë, Aleksandër Vuçiq.

Temë diskutimi në Beograd ka qenë edhe sulmi në Banjskë, bën të ditur Lajçak, duke thënë se BE-ja pret që pasojat dhe personat përgjegjës të sillen para drejtësisë.

Ai tha se nukë shtë adresa e duhur kur flitet për hetimet sepse siç tha ai, nuk ka hetime që udhëhiqen nga Bashkimi Evropian.

“Vendet janë duke bërë hetimet e veta dhe janë duke i zhvilluar hetimet e veta, pra, Bashkimi Evropian nuk po bën hetime vetëm po pranon informata nga partnerët”., u shpreh ai./Arbresh.info/