Një ngjarje e rëndë ka ndodhur mbrëmë në Prizren, ku një qytetar ka ndërruar jetë në rrethana të papritura, sapo kishte marrë pensionin.

Rasti është raportuar rreth orës 20:30 nga Emergjenca e Spitalit Rajonal në Prizren, ku i ndjeri ishte sjellë nga autoambulanca.

Burimet e portalit Arbresh.info kanë bërë me dije se personi në fjalë kishte humbur ndjenjat në rrugën “Nazim Pulaj”.

Të njëjtat burime kanë bërë të ditur se viktima e këtij rasti është 74-vjeçari, Shukri Ponik.

Vdekja e viktimës është konstatuar nga mjeku kujdestar në Emergjencë.

Në vendin e ngjarjes kanë dalë hetuesit kujdestarë dhe Njësia e Hetimeve Rajonale.

Rasti është iniciuar si “Hetim i vdekjes”, ndërsa trupi i pa jetë i viktimës i është dorëzuar familjarëve për ceremoninë mortore.

Rrethanat e vdekjes do të shqyrtohen përmes hetimeve të mëtejme, ndërsa pista fillestare nuk sugjeron ndonjë element të dyshimtë penal.