Ky do të jetë moti në ditën e parë të vjeshtës në Kosovë

18:41 | 21 Shtator 2021
Përparim Bublaku

Të mërkurën, ditën e parë të vjeshtës në Kosovë do të mbajë mot i vranët dhe me reshje shiu.

Sipas IHMK-së, temperaturat do të shënojnë rënie 7-9 gradë Celcius minimalet, kurse 15-19 ato maksimale.

“Të mërkurën do të mbajë mot kryesisht i vranët dhe vende-vende me riga lokale shiu. Po në këtë ditë edhe zyrtarisht futemi në stinën e vjeshtës astronomike dhe me ketë rast do të ndodh ekuinoksi vjeshtor (dita dhe nata do të zgjasin nga 12 orë). Temperaturat në ditën e parë të vjeshtës do të shënojnë rënie në të dy vlerat ekstreme. Minimalet do të lëvizin ndërmjet 7-9 gradë Celsius, ndërsa maksimalet e ditës parashihen të lëvizin ndërmjet 15-19 gradë Celsius. Do të fryjë erë nga veriu dhe veriperëndimi me shpejtësi 1-8 m/s.”, thuhet në njoftim./arbresh.info/