Kurti vizitoi Handikos-in: Punësuam 422 asistentë në shkolla e investuam 6.4 milionë euro në pajisje

13:50 | 18 Dhjetor 2025
E.H

Kryeministri në detyrë, Albin Kurti ka vizituar organizatën Handikos, ku ka zhvilluar takim me anëtarët e kësaj organizate.

Përmes një postimi në Facebook, Kurti tha në takim patën bisedë të hapur ku trajtuan sfidat më të mëdha dhe mënyrat për përmirësimin e jetës dhe kushte të dinjitetshme për secilën e secilin person me nevoja të veçanta.

“Këtë mandat kemi punësuar 422 asistentë në shkolla, investuar 6.4 milionë euro për pajisje për persona paraplegjik dhe tetraplegjik dhe miratuar rregulloren e re për nevojat dhe të drejtat e tyre. Bashkëpunimin e kemi të ngushtë dhe të frytshëm, e cila është tejet e rëndësishme për të punuar edhe më shumë në mandatin e ardhshëm”, ka shkruar Kurti. /Arbresh.info