Kurti: Pengesat që qeveria ia shkaktoi Komunës së Prishtinës, do t’i ndalim

22:08 | 23 Maj 2017
Arbresh.info

Kandidati për kryeministër nga Vetëvendosje, Albin Kurti ka thënë se pas fitores së partisë së tij në zgjedhjet parlamentare më 11 qershor, do të ndalen pengesat që pushteti qëndror ia ka shkaktuar qeverisë së Vetëvendosjes në Prishtinë.

Përmes një shkrimi në Facebook, Kurti ka njoftuar për takimet me qytetarë të Prishtinës, raporton Insajderi.

“Prishtina ishte e para që vendosi për ndryshimin, duke zgjedhur VETËVENDOSJE!-n. Pasditen e sotme bashkë me kandidatët nga Prishtina, e kaluam në bashkëbisedim me banorët e kryeqytetit. Pengesat që ia ka shkaktuar pushteti qendror Prishtinës së Shpendit, pas 11 qershorit nuk do të jenë më”, ka thënë Kurti.raporton insajder

Ish-kryetari i Vetëvendosjes është shprehur i bindur në fitoren e partisë që përfaqëson, më 11 qershor./Arbresh.info/