Kryeministri në detyrë, Albin Kurti ka reaguar pasi autoritetet serbe kanë ndaluar në pikën kufitare në Merdarë ish-deputetin e Kuvendit të Kosovës, Gramoz Agusholli.

Me anë të një postimi në Facebook, Kurti tha se ky rast e dëshmon se Serbia nuk do e as synon marrëdhënien noramle e fqinjësore, përcjell Arbresh.info.

“Serbia nuk lëshon rast për ta dëshmuar se nuk do e as synon marrëdhënie normale e fqinjësore. Ndalimi i ish-deputetit të Kuvendit të Kosovës, Gramos Agushollit nga autoritetet e shtetit serb në pikën kufitare në Merdarë për orë të tëra është prova e radhës. Praktika të tilla që përdoren në vazhdimësi me qëllim keqtrajtimin dhe frikësimin e qytetarëve tanë duhet të dënohen zëshëm dhe njëzëri edhe nga komuniteti ndërkombëtar”, ka shkruar Kurti.

“Përgëzoj institucionet tona dhe shtetet partnere për reagimin e shpejtë dhe të suksesshëm. Gramosit i dëshiroj qëndrim të mbarë në Lubjanë”, tha Kurti./Arbresh.info

LEXO EDHE:

Serbia ndalon në Merdarë ish-deputetin e Vetëvendosjes