Lëvizja Vetëvendosje ka njoftuar se sot është mbajtur mbledhja e parë e Grupit të ri Parlamentar të Lëvizjes Vetëvendosje të dalë nga zgjedhjet e 6 tetorit.

Në këtë takim, kryetari i VV’së dhe njëkohësisht kandidati për kryeministër, Albin Kurti, i njoftoi deputetët me arritjet dhe sfidat për krijimin e koalicionit të ri qeverisës.

Kurti në këtë mbledhje i uroi fitoren deputetëve të Vetëvendosjes.

Njoftimi i plotë:

Nën kryesimin e kryetarit, Albin Kurti, sot u mbajt mbledhja e parë e Grupit të ri Parlamentar të Lëvizjes VETËVENDOSJE!, të dalë nga zgjedhjet e 6 tetorit. Me këtë rast u shpreh urimi i fitores të gjithë deputetëve si grupi më i madh parlamentar në përbërjen e re të Kuvendit të Kosovës.

Pjesë e diskutimit të mbledhjes ishte edhe procesi negociator për krijimin e qeverisë, me ç’rast kryetari Kurti i njoftoi deputetët me arritjet dhe sfidat për krijimin e koalicionit të ri qeverisës.