Kryeministri i vendit, Albin Kurti ka dhënë detaje për takimet intensive që ka zhvilluar brenda gjashtë ditëve në Francë, Austri e Spanjë.

Me anë të një postimi në Facebook, Kurti tha se në Parisë e Vjenë ka marrë pjesë në forume, ku në këtë të fundit Kosova pranoi Çmimin Vjetor “Partneri i Vitit 2023”, përcjell Arbresh.info.

Ndërsa në Malaga të Spanjës mori pjesë në Kongresin e PES për të shënuar anëtarësimin e Lëvizjes Vetëvendosje në këtë parti.

Postimi i plotë

Dy forume dhe një kongres në Francë, Austri dhe Spanjë në gjashtë ditë. Takime, diskutime dhe biseda të shumta mbi zhvillimet në vend, qeverisjen e mirë, progresin, dhe ofertën tonë për investitorë të huaja.

Në Paris, me zëvendëskryeministren Donika Gërvalla ishim në mesin e liderëve e krerëve të shumtë të shteteve e qeverive pjesëmarrëse në Forumin e Paqes.

Në Vjenë, në edicionin jubilar të 20-të të Forumit Ekonomik të Vjenës, Republika e Kosovës pranoi Çmimin Vjetor “Partneri i Vitit 2023” për bashkëpunimin dhe kontributin 15-vjeçar në zhvillimin ekonomik në nivel kombëtar dhe rajonal.

Në Malaga, së bashku me ministrin e Kulturës, Rinisë dhe Sportit, Hajrulla Çeku dhe zëvendësministrin e Punëve të Jashtme dhe Diasporës, Kreshnik Ahmeti morëm pjesë në Kongresin e Partisë së Socialistëve Evropianë (PES), për të shënuar anëtarësimin e Lëvizjes VETËVENDOSJE! në këtë familje të rëndësishme politike./Arbresh.info