Kryeministri i Kosovës, Albin Kurti, ka theksuar angazhimin e qeverisë për mbështetje të vazhdueshme për Luginën e Preshevës, duke e përmirësuar mirëqenien e shqiptarëve të kësaj zone.

Ai deklaroi se Kosova është më afër Luginës se asnjëherë më parë, dhe se ka një linjë të rregullt buxhetore për Luginën, e cila sivjet është katër milionë euro, dyfish më shumë sesa në vitin 2022.

Kurti theksoi se kjo përkrahje është një shenjë e kujdesit dhe vëmendjes së vazhdueshme të Kosovës për shqiptarët e Preshevës, Medvegjës dhe Bujanocit.

“Linja e rregullt buxhetore për Luginën, e cila sivjet është katër milionë, dyfish më shumë sesa në vitin 2022, do të thotë vëmendje dhe kujdes i rregullt për shqiptarët e Preshevës, Medvegjës dhe Bujanocit. Përkrahja jonë nga Prishtina është mbështetje direkte për përmirësimin e mirëqenies së tyre, për mbrojtjen e të drejtave përballë diskriminimit, ruajtjen e identitetit, qëndresën e përditshme kundër shtypjes dhe pabarazisë, dhe faktorizimin e shqiptarëve si popull autokton”, tha Kurti./Arbresh.info