Kryeministri i Kosovës, Albin Kurti ka thënë se nuk ka probleme me zemër.

Ai tha se parulla politike “Me zemër” është prezantuar si zgjidhje politike jo si problem shëndetësor, shkruan Arbresh.info.

Kurti edhe u konfrontua me gazetarën duke i thënë “Dëgjoj shumë mirë, nuk keni nevojë me bërtit”

“Edhe me zemër jam mirë. Kur do të kem probleme me zemër do të njoftoheni edhe ju përveqse në këtë klinikë ku ndodheni edhe ju sepse ky është vendi ku njeriu vjen. Ama ta keni një gjë parasysh se kur ne e kemi thënë atë parullën tonë, me zemër, e kemi thënë si zgjidhje politike jo si problem shëndetësor.

Ndryshe, Kryeministri i Kosovës, Albin Kurti bashkë me ministrin e Shëndetësisë, Arben Vitia ka marrë pjesë në përurimin e investimeve në Klinikën e Kardiokirurgjisë. /Arbresh.info/