Kandidati për kryeministër nga Lëvizja Vetëvendosje, Albin Kurti ka thënë se pavarësisht kundërshtimeve ai mbetet bartës i listës.

Ai gjatë këtij prononcimi tha se situata në vend ka ndryshuar duke kujtuar darkën që vitin e kaluar kishte në Kosovë përfaqësuesi special për dialogun me Serbinë i ish-presidentit amerikan Donald Trump, Richar Grenell me ish-presidentin Hashim Thaçi, shkruan Arbresh.info.

“Ne kemi dorëzuar listën tonë siç është kërkuar dhe ajo është lista jonë. Para një viti pat qenë ish-ambasadori Grenell për një darkë me ish-presidentin, por ai është viti i kaluar dhe mendoj që institucionet e shtetit duhet të updatohen në rrethana të reja, ku jemi në prag të zgjedhjeve të 14 shkurtit të cilat kanë ngjallur një entuziazëm të paparë për pjesëmarrje masive të qytetarëve. Unë jam bartës i listës i cili i respekton dhe e përfill me përpikëri Kushtetutën dhe ligjet që mbrojnë të drejtat e të gjithë neve”, tha Kurti.

Këto deklarata Kurti i bëri gjatë homazheve tek varri i presidentit Ibrahim Rugova, në 15 vjetorin e vdekjes së tij./arbresh.info/