Kryeministri i Kosovës, Albin Kurti, në konferencën e sotme për medie, foli edhe për rastin e lëndimit të policëve në Leposaviq, derisa ishin duke luftuar kontrabandimin me mallra.

Kurti tha se shpreh mirënjohje për trimërinë dhe profesionalizmin e tyre.

“Ndërkaq sa i përket policëve tanë, i kemi 5 të lënduar në veri të Kosovës duke e luftuar kontrabandën, krimin e organizuar. Unë mund të shpreh vetëm falënderimin dhe mirënjohjen time të madhe për trimërinë dhe profesionalizmin e tyre, por në të njëjtën kohë shpresoj e uroj që edhe hallkat tjera të sistemit të drejtësisë të jenë në nivel të detyrës në mënyrë që të mos na përsëriten rastet e tilla”, tha ai.

Ai tha se do t’i pres në takim policët e lënduar sot pasdite

“Për sot kam caktuar që t’i pres pasdite në orën 17:00 policët e lënduar në zyrën e kryeministrit dhe më lejoni që të mos flas hollësi të tjera nga kjo zyre ku jemi tani, sepse këtu jam në cilësinë e kryetarit të Lëvizjes dhe theksi i kësaj konference janë zgjedhjet e brendshme në subjektin tonë politik”, tha ai./arbresh.info/

LEXO EDHE:

Sulmohet Policia e Kosovës në veri nga kontrabanduesi, pesë policë të lënduar