Të mërkurën, 17 gusht 2022, Sekretari i Përgjithshëm i NATO’s, Jens Stoltenberg, do të presë në takime të ndara kryeministrin e Kosovës, Albin Kurti, dhe presidentin e Serbisë, Aleksandar Vuçiq.

“Sekretari i Përgjithshëm dhe Kurti do të mbajnë një konferencë të përbashkët për shtyp në selinë e NATO-s pas takimit të tyre”, thuhet në njoftimin për medie të NATO’s.

Ky takim do të ndodhë një ditë para se Kurti të ulet në tavolinën e bisedimeve me presidentin e Serbisë, Aleksandar Vuçiq, në Bruksel, shkruan arbresh.info.

Stoltenberg fillimisht takon Vuçiqin, dhe deklarohen për medie, më pas kryeministrin Kurti.

Agjenda:

17:00 (CEST) Konferencë për shtyp me Sekretarin e Përgjithshëm të NATO-s dhe Albin Kurti

Konferenca për shtyp do të transmetohet drejtpërdrejt në faqen e NATO-s.

Një transkript i komenteve të Sekretarit të Përgjithshëm, si dhe fotot e marra nga fotografët e NATO-s, do të jenë të disponueshme në faqen e internetit të NATO-s./arbresh.info/