Albin Kurti, kryeministri në detyrë i Kosovës dhe kreu i partisë Lëvizja Vetëvendosje, i cili të dielën e fundit nuk arriti të formojë qeverinë e re të mandatuar nga Vjosa Osmani, ka folur për takimin që pritet të zhvillojë sot me krerët e partive politike.

Ai u shpreh se në këtë takim do të shkojë me “konstruktivitet dhe optimizëm”.

Kurti gjithashtu komentoi dështimin e mbledhjes së Kryesisë së Kuvendi i Kosovës dhe theksoi se nuk kupton arsyen pse ende nuk janë formuar komisionet parlamentare.

Sipas tij, një kuvend funksional nuk duhet të varet nga qeveria — por e kundërta.

“Takimi që do ta kemi me presidenten, besoj se do të diskutohet për hapat e mëtutjeshëm, meqenëse në tentimin e parë nuk pati qeveri të re. Dua të shkoj me konstruktivitet dhe optimizëm atje. Nuk kam arritur ta ndjek mbledhjen e djeshme të Kryesisë së Kuvendit, por mua më vjen mirë që deputetët e Kuvendit të Kosovës, të legjislaturës së nëntë, tashmë kanë shtëpi të tyre, veçse kjo shtëpi duhet të funksionojë. Funksionimi i Kuvendit nënkupton formimin e komisioneve parlamentare, unë nuk i kuptoj pse nuk i formojnë komisionet”, tha Kurti.