Kryeministri i Kosovës, Albin Kurti, zëvendëskryeministrja Donika Gërvalla dhe zëvendës ambasadorja e SHBA-së në Kosovë, Alyson Grunder kanë bërë homazhe te pllaka përkujtimore “Kosova kujton” për nder të viktimave të sulmit terrorist të 11 shtatorit 2001 në Kullat Binjake në SHBA.

Kështu kanë bërë të ditur Zyra e Kryeministrit të Kosovës përmes një komunikate për media, shkruan Arbresh.info.

E gjithë ngjarja e tmerrshme nisi kur njëri aeroplan i rrëmbyer ishte përplasur mbi kullën veriore të Qendrës Botërore të Tregtisë në Nju Jork, duke krijuar një çarje të thellë në faqen e ndërtesës dhe duke shkaktuar zjarr kurse 17 minuta më vonë, një aeroplan tjetër pasagjerësh përplaset mbi kullën jugore. Në sulmin e 11 shtatorit 2001 humbën jetën rreth 3 mijë persona.

Në mesin e viktimave në kullat binjake ishin 2.752 persona prej tyre 343 zjarrfikës dhe 60 policë. Pjesa më e madhe e viktimave ishin civilë të 70 kombësive të ndryshme./Arbresh.info

LEXO EDHE:

22 vite nga sulmet që tronditën botën