Kryetari i Lëvizjes Vetëvendosje dhe kandidati për kryeministër, Albin Kurti ,ka takuar sot ambasadorin e Republikës së Shqipërisë, Qemal Minxhozi.

Kurti ka pritur Minxhozin në zyrën e tij në Prishtinë.

Siç njofton LVV, Minxhozi e uroi Kurtin për rezultatin zgjedhor dhe për organizimin e fushatës që sipas tij arriti t’i adresojë me sukses brengat e qytetarëve të Republikës.

Po ashtu në këtë takim është diskutuar edhe për politikën e jashtme, burimeve natyrore dhe mbrojtjes e sigurisë.

https://www.facebook.com/vetevendosje/posts/10156226723102000

“Kryetari i Lëvizjes, z. Albin Kurti, mirëpriti sot në zyrën e tij, ambasadorin e Republikës së Shqipërisë, z. Qemal Minxhozi.

1. Minxhozi e uroi kryetarin Kurti për rezultatin zgjedhor dhe për organizimin e fushatës që arriti t’i adresojë me sukses brengat e qytetarëve të Republikës. Ai përshëndeti daljen e madhe të qytetarëve në këto zgjedhje që tregoi pjekuri e vendosmëri për ndryshime.
2. Kurti e falënderoi ambasadorin Minxhozi për urimin dhe e njoftoi atë për nismat që do t’i ndërmarrë qeveria e re në funksion të sovranizimit, zhvillimit dhe bashkëpunimit të Kosovës e Shqipërisë. Ne do të angazhohemi, tha ai, që në të ardhmen të kemi komisione të përbashkëta qeveritare sa i përket politikës së jashtme, burimeve natyrore dhe mbrojtjes e sigurisë. E, po ashtu, edhe një regjistër të përbashkët të bizneseve e për një regjistër të përbashkët civil, për sistem unik doganor, për një sistem të integruar elektro-energjetik dhe për një treg të përbashkët. 50 marrëveshjet e nënshkruara mes shteteve tona nuk do të mbesin në letër por do të zbatohen”, thuhet në njoftimin e LVV-së.