Kryesia e Kuvendit të Kosovës ka thirrur mbledhje të enjten në mbrëmjë, nga ora 21:00, bënë të ditur Zyra për media dhe marrëdhënie me publikun, raporton arbresh.info.

Kryetarët e grupeve parlamentare në rend dite kanë caktimin e datës për vazhdimin e seancës së jashtëzakonshme.

Në seancën e re plenare do te jenë në rend dite formimi i komisioneve parlamentare dhe interpelanca e kryeministrit, Ramush Haradinaj, të kërkuar nga LDK rreth informacioneve për Ministrin e Bujqësisë, Nenad Riakllo.

Në rend dite nuk është paraparë të shqyrtohet edhe planprogrami i Qeverisë Haradinaj.

R e n d i  i  d i t ë s 

1. Propozim-vendimi për formimin e komisioneve parlamentare,

 

2. Caktimi i datës për vazhdimin e seancës së jashtëzakonshme,

 

3. Përgatitjet për seancë të re:

 

• Koha për deklarime jashtë rendit të ditës,

• Koha për pyetje parlamentare,

• Miratimi i procesverbaleve nga seancat e mëparshme,

• Shqyrtimi i Propozim-vendimit për formimin e komisioneve parlamentare,

• Interpelanca e Kryeministrit, Ramush Haradinaj, sipas kërkesës së GP të LDK-së për ta informuar Kuvendin mbi akuzat publike të shfaqura ndaj ministrit të Bujqësisë, Pylltarisë dhe Zhvillimit Rural, z. Nenad Rikalo.

/arbresh.info/