Në 11-vjetorin e Pavarësisë së Kosovës, kryeministri kanadez, Justin Trudeau, ka uruar Donat Sylën.

Kryeministri kanadez, Justin Trudeau, ka uruar Konsullin e Përgjithshëm të Kosovës në Kanada, Donat Syla, me rastin e 11-vjetorit të Pavarësisë së Kosovës.

Syla përmes një postimi në profilin e tij zyrtar në rrjetin social Facebook, ka bërë të ditur se në ceremoninë e 11-vjetorit të Pavarësisë, flamuri i Kosovës është ngritur në Parlamentin e Ontarios, në Queen’s Park në Toronto.

Syla po ashtu ka publikuar edhe letrën e kryeministrit kanadez, Justin Trudau.

Postimi i plotë i Sylës:

Sot, kishim nderin dhe privilegjin që në prani të shumë personaliteteve të ngrisim flamurin e Republikës së Kosovës në Parlamentin e Ontarios, në Queen’s Park në Toronto.

Ndjehëm jashtëzakonisht i nderuar për urimet që mora nga kryeministri i Kanadasë, Justin Traedou, nga premier i Ontarios, Dough Ford, me pjesëmarrjen e deputetes së Parlamenitit kanadez, Julie Dabrusin, deputetëve të Parlamentit të Ontarios, Kinga Surma dhe Bhutila Karpoche, ambasadorin e Shqipërisë, Ermal Muca, homologëve të mi nga Japonia, Turqia, Gana e shumë vende të tjera, diasporës sonte nga Kosova, Shqipëria dhe Maqedonia.

Ngritja e flamurit tonë u bë nga djemtë e Hysen Prishtinës, nipat e Xhemajl Beg Prishtinës, Fatos & Fisnik Prishtina.

E ceremonia vazhdoi edhe me valle e kenge te bukura popullore dhe me nje ekspozite te punimeve te piktoreve shqiptare.

Moment emocional i ceremonisë u krijua gjatë fjalimit të deputetes Bhutila Karpoche që i uroi të gjithë të pranishmit duke kujtuar lavdinë e heroit tonë kombëtar Adem Jashari. ‘Bac u kry’ ishte fjala përmbyllëse e fjalisë së saj!

Faleminderit të gjithëve!

Gëzuar 11-vjetori i Pavarësisë së Republikës së Kosovës!.