KRU “Prishtina” shkyç 6 lidhje ilegale në Veternik, aksioni është duke vazhduar

11:58 | 19 Gusht 2023
E.K

Kompania Rajonale e Ujësjellësit “Prishtina” ka njoftuar se gjatë kësaj së shtune është duke vazhduar aksionin për identifikimin e kyçjeve ilegale.

Kompania Rajonale e Ujësjellësit “Prishtina”,përmes një postimi në Facebook, ka bërë të ditur se nga sot nga ora 07:00 deri në orën 09:00 janë identifikuar dhe shkyçur gjashtë lidhje ilegale në lagjen “Veternik” të Prishtinës, përcjell Arbresh.info.

“Sot nga ora 07:00-09:00 janë identifikuar dhe shkyçur 6 lidhje ilegale në Veternik”, njofton KRU “Prishtina”.

Në këtë njoftim thuhet se rastet e identifikuara janë gjetur në rrugën “Mbreti Gent”, rrugën “Sadik Stavileci” dhe rrugën “Agim Hajrizi”.

“Veterniku prin me raste ilegale. Vazhdon aksioni”, thuhet në njoftim./Arbresh.info/