Komisioni Qendror i Zgjedhjeve (KQZ) deri më tani ka pranuar aplikimet e 5 subjekteve politike për zgjedhjet e 9 shkurtit.

Kështu tha për Arbresh.info zëdhënësi i KQZ-së, Valmir Elezi i cili tha se prej tyre janë parti politike dhe 1 iniciativa qytetare.

Elezi bëri të ditur se numri i përgjithshëm i kandidatëve për deputetë, që përfaqësojnë këto subjekte politike, është 122.

Subjektet politike që kanë paraqitur aplikimin e tyre janë:

1. Partia Rome e Bashkuar e Kosovës (PREBK) – 35 kandidatë;
2. Jednstvena Goranska Partija (JGP) – 29 kandidatë;
3. Partia e Ashkalinjëve për Integrim (PAI) – 35 kandidatë;
4. Srpska Demokratija (SD) – 13 kandidatë; dhe
5. Narodna Pravda – 10 kandidatë;

Elezi tha se afati për paraqitjen e këtyre kërkesave është deri më 11 djetor.

“Afati i fundit për subjektet politike (partitë politike, koalicionet, nismat qytetare dhe kandidatët e pavarur) për të paraqitur kërkesat e tyre për certifikim për pjesëmarrje në Zgjedhjet për Kuvendin e Kosovës që do të mbahen më 9 shkurt 2025 është 11 dhjetor 2024, ora 16:00. “, tha ai.

“Gjithashtu, gjatë kësaj periudhe, subjektet politike duhet të dorëzojnë edhe listat e tyre me emrat të kandidatëve për deputetë.”, përfundoi Elezi./Arbresh.info/