Komisioni Qendror i Zgjedhjeve ka njoftuar se sonte në mesnatë do të përfundojë afati për pranimin e fletëvotimeve për raundin e dytë të zgjedhjeve për Kryetar të Dragashit.

Sipas njoftimit të dërguar për media nga zëdhënësi i KQZ-së, Valmir Elezi, KQZ deri në orën 14:00 të ditës së hënë ka pranuar 381 pako të supozuara me fletëvotime

“Sonte në mesnatë do të përfundojë afati 15 ditor për pranimin e fletëvotimeve nga jashtë Kosovës për raundin e dytë të Zgjedhjeve për Kryetar të Komunës së Dragashit. Deri të hënën, në orën 14:00, KQZ ka pranuar 381 pako të supozuara me fletëvotime. Pas procesit të vlerësimit të të gjitha fletëvotimeve që do të pranohen, gjatë ditës së martë, KQZ-ja do të bëjë numërimin e tyre në prezencë të vëzhguesve dhe të mediave”, thuhet në njoftim./arbresh.info/