KQZ: Deri në ora 15:00 kanë votuar 28,89 për qind e qytetarëve me të drejtë vote

15:42 | 22 Tetor 2017
Arbresh.info

Komisioni Qendror i Zgjedhjeve ka bërë të ditur se deri në ora 15:00 në votime kanë dalë 532 mijë e 288 votues apo shprehur në përqindje, 28,89 e qytetarëve me të drejtë vote.

Kryetarja e KQZ-së, Valdete Daka ka thënë në konferencën e tretë me radhë për sot se në zgjedhjet lokale të 3 nëntorit të vitit 2013, deri në të njëjtën kohë kishin votuar 31,96 për qind e qytetarëve, shkruan arbresh.info

“Deri në ora 15:00 kanë votuar 532 mijë e 288 votues apo 28,89 për qind e votuesve. Krahasuar me zgjedhjet lokale të datës 3 nëntor 2013, deri në të njëjtën kohë kanë votuar 31, 96 për qind e votuesve”, ka thënë Daka.

Sipas saj, procesi i votimit ka shkuar me rregull, përjashtuar disa çështje të vogla teknike./arbresh.info/