Emigrantët nga Kosova e Shqipëria janë në mesin e vendeve me shumicë myslimane që marrin më së shumti “Green Cards-Kartelat e Gjelbra”, që janë si leje qëndrimi në SHBA.

Nga Shqipëria 20 mijë persona, nga Kosova 3 mijë persona kanë fituar të drejtën e vazhdimit të jetës së tyre në Shtetet e Bashkuara të Amerikës gjatë viteve 2009-2013, raportojnë mediat amerikane.

Këto shifra e vendosin Shqipërinë dhe Kosovën në mesin e vendeve, shtetas të të cilëve kanë marrë rrugën drejt SHBA-ve, në ndjekje të një jete më të mirë.

Shtetet tjera të cilët janë në listën e vendeve, që marrin më së shumti leje qëndrime në SHBA janë Pakistani, Iraku, Bangladeshi dhe Egjipti.

Ndërkaq sipas një raporti, SHBA-të në total brenda viteve 2009-2013 kanë lëshuar rreth 680 mijë “Green Card”, duke ua hapur derën emigrantëve nga e mbarë bota.

SHBA-të pritet që të lëshojnë rreth 660 mijë leje qëndrime të tjera për vendet e banuar kryesisht me shumicë myslimane.