Një delegacion i udhëhequr nga Drejtori i Përgjithshëm i Ministrisë së Bashkëpunimit Rajonal të Izraelit realizoi një vizitë të frytshme në Kosovë, ku u prit nga Sekretari i Përgjithshëm i Ministrisë së Punëve të Jashtme dhe Ministri i Inovacionit dhe Ndërmarrësisë (MINT).

Gjatë vizitës, u nënshkrua një Memorandum Mirëkuptimi (MoU) me Ministrinë e Mjedisit, Planifikimit Hapësinor dhe Infrastrukturës (MESPI) si dhe me Ministrinë e Arsimit, Shkencës, Teknologjisë dhe Inovacionit (MESTI), për të nisur një Program të Edukimit mbi Ndryshimet Klimatike – një hap i rëndësishëm drejt ndërgjegjësimit mjedisor dhe bashkëpunimit ndërinstitucional.

Lajmin e bëri të ditur ambasadorja e Shtetit të Izraelit në Republikën e Kosovës, Tamar Ziv, përmes një postimi në platformën X.

“U nënshkrua një Memorandum Mirëkuptimi me Ministrinë e Ekonomisë, Sektorit Privat dhe Investimeve Strategjike (MESPI) dhe Ministrinë e Arsimit, Shkencës, Teknologjisë dhe Inovacionit (MASTI) për të lançuar një program edukimi për ndryshimet klimatike. Delegacioni u takua gjithashtu me drejtues të universiteteve: Universitetit të Prishtinës, UBT-së dhe AAB-së, me qëllim thellimin e bashkëpunimit akademik”, ka shkruar Ziv./rtk