Konjufca synon që gjatë mandatit të tij si kryeparlamentar të ngris kapacitetet e Kuvendit për draftimin e ligjeve

17:31 | 1 Prill 2021
Gita

Kryetari i Kuvendit të Kosovës, Glauk Konjufca takoi ambasadorin çek në Kosovë, Pavel Bílek, nga i cili ka pranuar urimin për detyrën e re.

Në takim u tha se te dy vendet kanë marrëdhënie të mira ndërshtetërore dhe u shtrua nevoja që ato të thellohen edhe më tej, shkruan arbresh.info.

Kryetari Konjufca e njoftoi ambasadorin Bilek për angazhimin e institucioneve të Kosovës për sigurimin e vaksinave anticovid, duke shpresuar edhe në ndihmën e vendeve mike.

Më tej, kryetari Konjufca tha se synon që gjatë mandatit të tij në këtë post do të synojë të ngris kapacitetet e Kuvendit për draftimin e ligjeve, të bëjë reforma në drejtësi dhe të vazhdojë ta mbikëqyrë punën e ekzekutivit kosovar.

Të dy bashkëbiseduesit shprehën gatishmëri që ta rrisin bashkëpunimin ndërshtetëror në sferën e ekonomisë, këmbimit tregtar, turizmit, arsimit dhe kulturës./arbresh.info/