Kryetari i Kuvendit të Kosovës, Glauk Konjufca ka thënë se është shokuar sot me pamjet e atentatit ndaj ish-presidentit amerikan, Donald Trump.

Me anë të një postimi në Facebook, Konjufca ka thënë se ky atentat është një sulm ndaj demokracisë dhe pluralizmit politik, teksa theksoi se populli i Kosovës qëndron pranë popullit amerikan në çdo rrethanë, përcjell Arbresh.info.

Postimi i plotë:

Sot në mëngjes u shokuam me pamjet e atentatit ndaj Presidentit Trump.

Ky atentat është një sulm ndaj demokracisë dhe pluralizmit politik. Falë Zotit, Presidenti Trump i shpëtoi këtij sulmi, ndërsa Amerika sot ka nevojë për bashkim rreth vlerave të saj fundamentale të lirive qytetare dhe politike.

Populli i Kosovës qëndron pranë popullit amerikan në çdo rrethanë e përballë çdo sfide që synon ta cenojë./Arbresh.info