Shefi i Grupit Parlamentar të VV-së, Glauk Konjufca ka reaguar ndaj deklaratës së deputetit të PSD-së, Dardan Molliqaj se VV ka ndërruar qëndrim sa i përket Listës Serbe dhe se ajo është e gatshme të bëhet bashkë me këtë parti serbe për ta rrëzuar Qeverinë e Kosovës.

Konjufca ka thënë se Lista Serbe nuk dallon asgjë nga politika e presidentit serb Aleksandër Vuçiqiq dhe se këtë fakt edhe vetë Molliqaj e ka mësuar prej VV-së, raporton arbresh.info.

“Lista Serbe nuk dallon asgjë prej politikës së Aleksandër Vuqiti. Këtë mësim Dardan e ke mësuar prej Lëvizjes Vetëvendosje”, ka thënë Konjufca.

Sipas tij, PSD u bë bashkë me pushtetin në seancën e kaluar për të shkelur të drejtën e VV-së për nënkryetar në Kuvend.

“Në seancën e fundit, 30 minuta pasi ke thënë se VV është në koalicion me PDK-në, qitu në Kuvend e shkelët VV-në dhe të drejtën e saj për nënkryetar të Kuvendit bashkë me partitë në pozitë. 30 min pasi kë thënë se VV është me pushtetin këta ta mundësuan ty që ta vazhdosh pozitën që i takon VV-së. Nuk pe di tash kush me kë është në koalicion”, është shprehur Konjufca./Arbresh.info