Komuna e Prishtinës po iu bën thirrje qytetarëve që të vazhdojnë të qëndrojnë në shtëpitë e tyre për të parandaluar përhapjen e virusit COVID-19

Në një postim në Facebook, Komuna e Prishtinës shkruan se pas lehtësimit të masave janë rritur rastet me COVID-19.

“Pas javës së parë të lehtësimit të masave, jemi dëshmitarë të rritjes sadopak të numrit të rasteve me #covid19. E kjo na rikujton se duhet të vazhdojmë që të i zbatojmë me kujdes të gjitha masat mbrojtëse sipas udhëzimeve të IKShP-së. Edhe pak kohë vazhdo #rriNshpi që shumë shpejtë të dalim e të e shijojmë pranverën plot ☀️ në Prishtinë”, thuhet në postimin e Komunës së Prishtinës.

Ndryshe, mbrëmë janë konfirmuar 11 raste pozitive me COVID-19 në Kosovë.

Rastet pozitive të cilat u konfirmuan mbrëmjen e së hënës janë nga Vushtrria, Prizreni, Prishtina, Ferizaj.

Deri tani janë konfirmuar 895 raste, nga ta janë shëruar 657 persona, derisa kanë vdekur 28.