Komisionerja e OSBE-së në komunën e Prishtinës, e kënaqur me gjendjen e pakicave

19:22 | 10 Qershor 2016
M. A.

Komisionerja e Lartë për Pakica Kombëtare e OSBE-së në Hagë, Astrid Thors, e ka vizituar komunën e Prishtinës dhe është takuar me nënkryetarin Dardan Sejdiun dhe drejtorin e Administratës Publike, Muhedin Nushin.

“Në takim u diskutuan çështjet e përdorimit të gjuhëve të pjesëtarëve të pakicave kombëtare që janë të punësuar në Komunë, të drejtat e tyre si dhe është vëzhguar nga afër puna e vijuesve të kursit të gjuhës serbe nga të punësuarit shqiptarë në komunën e Prishtinës”, thuhet në njoftimin e komunës.

Sipas njoftimit komisionerja Thors, së bashku me delegacionin 5 anëtarësh të saj, janë ndarë shumë të kënaqur me gjendjen e pakicave kombëtare dhe me respektimin e plotë të të drejtave të tyre, posaçërisht me respektimin e gjuhëve të pakicave.