Ish-kryetari i Organizatës së Veteranëve të Luftës së Ushtrisë Çlirimtare të Kosovës (OVL/UÇK), Hysni Gucati sot feston ditëlindjen.

Ky është viti i tretë me radhë, që Gucati feston ditëlindjen larg më të dashurve pasi gjendet në qendrën e paraburgimit në Hagë, bashkë me Nasim Haradinajn dhe disa bashkëluftëtarë tjerë.

Me këtë rast, nga larg e ka uruar udhëheqësi i OVL UÇK-së, Faton Klinaku.

“Urime ditëlindjen, atje në vendin e padrejtësive! Edhe shumë të tjera të lumtura në vendin tonë”, shkroi Klinaku në Facebook.

Ndryshe, Dhomat e Specializuara të Kosovës në Hagë më 18 maj Gucatin e Haradinajn i ka dënuar me nga katër vjet e gjysmë burgim, për publikimin dosjeve që kishin rrjedhur nga Gjykata Speciale, por këtë dënim ua ka ulur për tre muaj Gjykata e Apelit./Arbresh.info/