Forca e Sigurisë së Kosovës (FSK), njofton se Komanda e Forcave Tokësore ka realizuar me sukses ushtrimin fushor “Steel 01” në poligonin e stërvitjes ushtarake në Babaj Bokës dhe Deve.

FSK ka ndarë disa fotografi nga ushtrimi, shkruan Arbresh.info

“Komanda e Forcave Tokësore(KFT), Regjimenti i Dytë i Këmbësorisë (R2K), në kuadër të ngritjes së kapaciteteve luftarake dhe përgatitjeve për validimin e regjimentit të dytë ka realizuar me sukses ushtrimin fushor “Steel 01” në poligonin e stërvitjes ushtarake në Babaj Bokës dhe Deve”, thuhet në njoftimin e FSK-së.

Tutje bëhet e ditur se qëllimi i ushtrimit ishte testimi i procedurave standarde operative të kompanive të regjimentit, gjatë realizimit të operacioneve luftarake në përmbushje të detyrave operacionale bazuar në misionin e KTF-së./Arbresh.info/