Sekretariati i Gruas të Lëvizjes Vetëvendosje ka mbajtur sot konferencë për medie lidhur me gjendjen dhe të drejtat e grave në Kosovë, shkruan Arbresh.info

Koordinatorja e Sekretariatit të Gruas Aktiviste, Arjeta Rexhepi, tha se gjendja në të cilën janë gratë dhe vajzat në Kosovë nuk është për shkakun e tyre, por, sipas saj kjo vie si dështim i pushteteve për ta avancuar pozitën e gruas në shoqëri.

“Gjendja e grave dhe e vajzave në Kosovë nuk është fare e mirë dhe kjo duket tashmë e qartë kjo sot nuk është për fajin e grave, por, si dështim i pushteteve për ndërtim të politikave për të ndryshuar dhe avancuar pozitën e gruas në shoqëri. Kjo situatë duhet të ndryshojë, e ndryshimi duhet të vij nga ne” tha Rexhepi

Ndërsa, Drejtuesja e Sekretariatit të gruas dhe aktiviste e Vetëvendosjes, Nzaile Bala, tregoi për aktivitetet të cila do t’i zhvillojnë si Lëvizje për gjendjen e grave në Kosovë.

“LVV dhe gratë që janë pjesë, këtë muaj do të vazhdojnë me aktivitete që nuk ndalen vetëm në simbolikën e 8 marsit. Këtë muaj do të ketë aktivitete të ndryshme, si tryeza, vizita, konferenca e aksione që do ta adresojnë gjendjen dhe çështjen të cilat prekin drejtpërdrejt gratë dhe vajzat në Kosovë” tha aktivistja Bala/Arbresh.info