Një protestë paqësore është duke u mbajtur nga Shoqata Sindikale e Punëtorëve të N.P.L. Prishtina Parking Sh.A., pranë objektit të kësaj ndërmarrje.

Kjo protestë vjen si shkak i disa kërkesave nga kjo shoqatë të cilat nuk janë marrë parasysh duke filluar nga ngritja e pagës, pagesa e shujtës ditore.

Valon Sojeva – nënkryetar i shoqatës se Prishtina Parking tha se po kërkojnë rritje të pagës nga 100 euro.

“Sot kemi dalë në protestë kryesisht për paga të ulëta dhe shujtë ditore nga 5 euro të cilën po e kërkojmë Me qëndru në terren 8 orë pa bukë e pa ujë është shumë. Po kërkojmë rritje të pagës nga 100 euro, ish dashtë me qenë 250 euro për shkak të përgjegjësive që ne po i kryejmë, e bëjmë punën edhe të policisë, gjë që është shume e rrezikshme pasi që kemi pranuar kërcënime të çdo llojit”, tha ai.

Sojeva tha se i kanë dërguar email kryetarit të Prishtinës, Përparim Ramës dhe Bordit Drejtues dhe se po shpresojnë që do ia arrijnë qëllimit./Arbresh.info/