Në vitin 2011, Bislim Morina, e martoi vajzën Antigonën me shkues (mësit).

Por, martesa e saj me Hilmi Zenën nga fshati Malësi e Vogël, zgjati vetëm tri ditë. Sipas Prokurorisë, ajo vdiq si pasojë e gjakderdhjes që kishte pasur nga organet gjenitale, mbrëmjen e parë të martesës, në shtëpinë e burrit të saj ku kishte qëndruar mes datave 27, 28, 29 korrik të vitit 2011.

Familja e së ndjerës në vazhdimësi po e akuzon ish-dhëndrin Hilmi Zena nga fshati Malësi e Vogël (ish-Radost), për vrasjen e së bijës. Ata po thonë se dhëndri bëri marrëdhënie seksuale me Antigonën, derisa ajo ishte në gjendje të keqe shëndetësore dhe kishte gjakderdhje të vazhdueshme. Gjykata fillimisht këtë rast e kishte cilësuar si të mbyllur, por pas plot 6 viteve, Apeli e ka kthyer rastin në rigjykim.

Gjashtë vite pas rastit janë rrjeti i Grave të Kosovës që po kërkon nga drejtësia kosovare llogaridhënie dhe seriozitet në trajtimin e këtij rasti.

Madje sot për këtë nga ora 10:00, Rrjeti i Grave të Kosovës (RrGK) organizon protestë paqësore para objektit të Gjykatës në Rahovec, për të kërkuar drejtësi për Antigonën.

Rasti i Antigonës nuk është i vetmi që institucionet nuk i shkuan deri në fund.

Janë bërë gati shtatë vjet që kur Diana Kastrati u vra në pikë të ditës disa metra larg shtëpisë së saj. I dyshuari për vrasjen e saj, ish-bashkëshorti Adnan Jashari ende nuk është kapur nga organet e ndjekjes dhe drejtësisë kosovare, shkruan Insajderi

Jashari tash e sa vjet gjendet në Spanjë, dhe ky nuk shtet asnjëherë nuk ka pranuar ekstradimin e tij në Kosovë.

Zejnepe Bytyqi është viktima tjetër nga Suhareka e vrarë pikërisht nga burri i saj.

Vrasja e saj kishte ndodhur pas shumë telasheve dhe rrahjeve, përgjatë gjashtëmbëdhjetë viteve torturë.

Për vrasjen mizore të Zejnepes, vrasësi i saj u dënua me 12 vite burgim. Ky dënim u ngrit për disavite më shumë vetëm pas protestave dhe presionit publik.

Me 17 shkurt 2016 kishte mbetur e vrarë 35 vjeçarja Diana Zhubi, përkundër që nga ekspertiza ndërkombëtare e vërtetoj se ajo u vra nga i dashuri i saj, ajo u raportua si e vetëvrarë.

Kjo ekspertizë ndërkombëtarë kishte vënë në dyshim prokurorinë e rastit, e cila kishte konstatuarvrasjen e saj si vetëvrasje.

Donjeta Pajaziti është vajza tjetër njëzetekatër vjeçare e cila u gjet e vrarë në bjeshkët e fshatit tësaj, pas gjashtë jave kërkimesh pas zhdukjes së saj.

Për rastin e Donjetës fillimisht ka pasur një të dyshuar kryesor me të cilin lidheshin të gjitha provat,mirëpo pak ditë më parë ky i dyshuar u lirua nga akuza për vrasjen e saj.
Sipas vendimit të gjykatës, provat të cilat janë në dispozicion nuk janë në përputhje me viktimën.