Në emër të Grupit Parlamentar të Lidhjes Demokratike të Kosovës, Arben Gashi, bëri të ditur se kanë kërkuar debat parlamentar në lidhje me rritjen e çmimeve.

“U propozuar për këtë të enjte, por partia në pushtet për shkak të agjendës kërkoi të diskutohet të enjten e ardhshme”, deklaroi Gashi.

Për javën e ardhshme do të shqyrtohet edhe rezoluta për reduktim të akcizës në derivate e reduktim të TVSH-së në produkte esenciale.

“Suspendimin e TVSh-së për tre muaj, dhe mundësi vazhdimi për produktet esenciale që kanë të bëjnë me kualitetin e jetës së qytetarëve, për akcizën për naftë dhe disa produkte tjera që po ashtu konsiderohen me ndikim”, tha Gashi.

Çështja e dytë, sipas tij që shtruan si parti politike ka të bëjë me kërkesën për shkarkimin e Zyra e Rregullatorit të Energjisë Elektrike.

“Për shkak të paaftësisë së menaxhimit me krizën energjetike dhe vendosjes në lajthitje të institucioneve të Kosovës.”

Çështja e tretë që ka shtruar LDK-ja sipas Gashit ka të bëjë me funksionalizimin e Komisionit për Ndihme Shtëtërore.

“Nga gushti i vitit të kaluar ky komision nuk është funksional, dhe rrjedhimisht kemi shpërndarje të paligjshme të pakove të ashtuquajtura ekonomike”, deklaroi Gashi.

Këto komente ai i bëri pas mbledhjes së Kryesisë së Kuvendit./arbresh.info/