Gjykata Themelore në Prishtinë njofton se sot pas përfundimit të orarit të punës është ndaluar dhe kërcënuar gjyqtari i Departamentit për Çështje Penale Agim Kuqi.

Sipas një komunikate për media nga Gjykata Themelore e Prishtinës, Kuqi është kërcënuar nga i dyshuari Y.D i cili është i pandehur në një rast penal ku Kuqi është gjyqtar në këtë rast.

“Gjykata Themelore-Prishtinë dënon këtë akt të ulët duke cilësuar si sulm direkt mbi sistemin e drejtësisë. Ftojmë organet përgjegjëse që të marrin masat e duhura dhe njëherit sigurojmë opinionin publik se ky rast nuk do të ndikojë në punën e gjyqtarëve të kësaj Gjykate të cilët do të vazhdojnë të marrin vendime të drejta duke respektuar ligjin dhe duke i shërbyer drejtësisë”, thuhet në komunikatën e Gjyaktës Themelore të Prishtinës.