Kandidati për kryetar të Kamenicës, Qëndron Kastrati, ka folur për balotazhin e 14 nëntorit. Ai do të përballet me Kadri Rahimajn e VV’së.

Komentet Kastrati i ka bërë në emisionin “DPT te Fidani” në T7.

“Unë jam i bindur se nëse ata mendojnë për interesin e qytetarëve dhe u jepet hapësira gjeneratës së re, ata kanë me ardh me u bo bashkë me neve. Është ë panatyrshme duke e parë se çka po ndodh në nivel nacional, nëse nuk është në pyetje pazari natyrshëm ata mundem me ardhë me neve”, tha Kastrati.

“Unë nuk e kam dert me vazhdu edhe vetë sepse jam i bindur që qytetarët s’do të kthehen prapa, nuk pranojnë me rikthy gjeneratën e vjetër”, tha ai.

‘Ne jemi në atë situatë që të vjetrit janë bërë bashkë, e kaluara është bërë bashkë dhe e reja ka mbet kush vendos dhe me na u bashku neve”, shton ai, duke thënë se e kaluara përceptohet si e korruptuar.

“Qytetarët e dijë se më nuk ka korrupsion në komunë. Janë të bindur se s’ka korrupsion në komunë dhe ka vetëm drejtësi’, shpjegoi ai.