Kancelari i Gjermanisë, Olaf Scholz nesër do të vizitojë Republikën e Kosovës.

Për të ofruar siguri dhe mirëmbajtje të rendit dhe qetësisë publike, Policia e Kosovës ka bërë të ditur s e nesër do të ndalohet përkohësisht qarkullimi në disa rrugë të kryeqytetit, shkruan arbresh.info.

“Me datën 10 qershor 2022, në Republikën e Kosovës do të qëndroi për vizitë zyrtare Kancelari i Gjermanisë Sh.T.Z. Olaf Scholz, së bashku me një delegacion shoqërues. Policia e Kosovës, gjatë kësaj vizite do të kujdeset për ofrimin e sigurisë dhe mirëmbajtjen e rendit e qetësisë publike, gjatë kohës së lëvizjes së eskortës dhe qëndrimit të delegacionit shtetëror në Kosovë. Për të mundësuar qarkullim të lirë të eskortës zyrtare nën përcjellje dhe sigurim sipas itinerarit të lëvizjes, Policia e Kosovës do të bëjë ndërprerje të përkohshme në intervale të shkurta kohore të qarkullimit të trafikut në disa segmenteve rrugore ku pritet të kalojë eskorta”, thuhet në njoftim.

Policia bënë të ditur se për të mundësuar qarkullimin dhe riorientimin e trafikut në rrugë alternative në lokacionet ku pritet të kalojë eskorta do të angazhohen zyrtarë policorë të njësiteve relevante, andaj Policia e Kosovës kërkon mirëkuptim të plotë nga ana e qytetarëve dhe pjesëmarrësve në trafik./arbresh.info/