Në Kuvendin e Republikës së Kosovës po bëhen homazhe për heronjtë Afrim Zhitia, Fahri Fazliu, Bahri Fazliu dhe Agron Rrahmani, me rastin e rivarrimit të tyre.

Homazhe para heronjve bëri Kryetari i Partisë Demokratike të Kosovës Kadri Veseli, raporton arbresh.info.

Veseli i ka quajtur shembull se si duhet t’i shërbehet kombit. Tutje ai tha se është krenar që i ka njohur dhe ka punuar me ta.

“Pas më shumë se 30 vitesh bëhen bashkë në Prishtinë vëllezërit e luftës dhe idealit. Fat jo i lehtë i asaj gjenerate, asaj rinie. Por, ata ishin dhe mbesin shembull si duhet t’i shërbehet Kombit. Krenar që i njoha dhe punova me ta. Nderim përjetë Afrim Zhitia, Fahri Fazliu, Bahri Fazliu dhe Agron Rrahmani!”, tha Veseli në Facebook.

Ndërsa pritet të vijë edhe Presidenti i Kosovës Hashim Thaçi dhe Kryeministri në detyrë Ramush Haradinaj për të bërë homazhe.

Qeveria e Kosovës kohë më parë ka miratuar vendimin për rivarrimin e dëshmorëve të kombit dhe propozim-vendimi për rivarrimin e heronjve Afrim Zhitia, Fahri dhe Bahri Fazliu, si dhe Agron Rrahmani, në Varrezat e Dëshmorëve të Kombit në Velani, para festës së 28 Nëntorit të këtij viti./arbresh.info/