Jakup Krasniqi, kryetari i Këshillit Kombëtar të Nismës Social Demokrate Jakup Krasniqi ka komentuar kërkim-faljen nga ana e ish-shefit parlamentar të PDK’së, Adem Grabovci.

Grabovci në një bisedë me ish-kryeministrin, tani president, Hashim Thaçin, e kishin quajtur Jakup Krasniqin me termin “Jakupovski”.

Për këtë, Adem Grabovci ditë më parë i ka kërkuar falje publikisht, ish-kryetarit të Kuvendit.

“Nuk varet shumë a e pranoj unë apo jo”, thotë Krasniqi në emisionin “DPT te Fidani” në televizionin 7.

‘E kam thënë më herët qëndrimin tim. Mendoj që e ka thënë në një moment kur edhe ai nuk ndihet mirë”, theksoi Krasniqi.

Duke qenë gjatë në politikë, thotë se e di që ato që thuhen në sy nuk janë gjithmonë të njëjtat që fliten pas shpinës.

Por, ajo që iu tha atij nga ish-anëtarët e partisë, thekson se nuk i ishte thënë asnjëherë më parë.

Prandaj për Krasniqin kjo çështje është e mbyllur.

“Inati nuk mbaj, jam në politikë i kam qëllimet e mija publike”, thekson Krasniqi.

Prokuroria Speciale e Kosovës sot ka ngritur aktakuzë në rastin e quajtur “Pronto” dhe në mesin e të akuzuarve ë akuzuarve është edhe Adem Grabovci.