Guvernatori i Bankës Qendrore të Republikës së Kosovës (BQK), Ahmet Ismaili, tha megjithë sfidat, sektori financiar në Kosovë është stabil dhe mirë i kapitalizuar.

Ismaili ka folur dhe Zonën Unike të Pagesave në Euro (SEPA) që Kosova të integrohet në këtë platformë.

“Kur Kosova të jetë anëtare në SEPA qytetarët do të kryejnë pagesa që do t’i prek qytetarët e Kosovës në.aspektin pozitiv, me SEPA do të kursehen 55 milionë euro”, theksoi ai.

Ndryshe Banka Qendrore e Republikës së Kosovës (BQK) këtë vit shënon 25-vjetorin e themelimit të saj. Për një çerek shekulli të ekzistimit, është vlerësuar lartë roli i BQK-së si institucion kredibil dhe i ruajtjes së stabilitetit financiar në Kosovë.

Guvernatori i Bankës Qendrore të Republikës së Kosovës (BQK), Ahmet Ismaili, tha në një intervistë për RTK se në shënimin e këtij përvjetori kanë marrë pjesë guvernatorë nga rajoni dhe vende të tjera. Ai ka falënderuar të gjithë që BQK-ja ka arritur në këtë pikë, siç janë ShBA-të.