Ministri i Shëndetësisë, Uran Ismaili, në një konferencë për medie ka thënë se gjatë këtij viti buxheti i ministrisë është shpenzuar aty ku ka pasur nevojë.

Ismaili ka thënë gjithashtu se janë kursyer 6 milionë euro, shkruan Arbresh.info.

“Sot Ministria e Shëndetësisë ka blerë 6 milionë euro barna më lirë se vitin e kaluar, 6 milionë euro janë shpëtuar nga keqpërdorimi e të cilat kanë inevstuar në spitale e pajisje  për pacientët tanë”, ka thënë ai

Ai ka thënë gjithashtu se gjatë viteve të kaluara ka pas keqpërdorime të mëdha të buxhetit.

“Qytetarëve u kanë krijuar shpenzime të jashtëzakonshme, sepse buxheti është keqpërdorur, dhe nuk është investuar për pacientët, por për të paguar çmim të fryera e pasurim në kurriz të tyre. Një qytetar që e dërgon fëmijën  në  spital detyrohet të blejë barnat, jo sepse buxheti ka qenë i vogël, por për faktin se një bari që ka kushtuar 3.30 cent është  blerë me 32 euro”, ka thënë ai.

I pari i shëndetësisë kosovare ka thënë gjithashtu se do të vazhdojë me këto reforma deri në një transformim radikal të shëndetësisë.

Ndryshe kjo konference është mbajtur lidhur me luftimin e  korrupsionit në blerjen e barnave me çmime të fryra dhe ruajtjen e miliona eurove gjatë vitit 2018./Arbresh.info/