Ish-ministri Hasani tregoi diçka për Haradinaj që i bëri të gjithë të qeshnin në tubimin e AAK-së

19:52 | 4 Gusht 2019
A Z

I sapo aderuari në partinë AAK, Bajram Hasani, ka mbajtur sot fjalimin e parë partiak gjatë një tubimi të AAK-së në qytetin e tij të lindjes, Gjilanin.

Ish-ministri i Tregtisë, që erdhi në AAK nga Nisma Socialdemokarate, tregoi se si kryeministri i dorëhequr Ramush Haradinaj nuk lejonte fjalime të gjata në projektpropozimet e ministrave në mbledhjet e Qeverisë.

“Kur mbanim mbledhjet dhe fjalimet zgjatnin shumë, kryeministri i binte butë mikrofonit në mënyrë që të e bëntë të ditur të mos e zgjatnim shumë dhe të përfundonim Kjo bënte që të përgatitnim fjalime të shkurtëra, dhe tani ndihem i detyruar që edhe sot të mos e zgjasë shumë fjalimin tim”, tregoi Hasani.

Kjo i bëri shumicën e pranishme që të qeshnin.

Ndërsa edhe Haradinaj kur u ngrit të fliste e përmendi këtë punë.

“Tash më ka obliguar ministri mos me fol gjatë”, tha ai në fillim të fjalimit në mënyrë satirike.