Ipeshkvi Gjergji uron Fitër Bajramin: Ne të gjithë jemi vëllezër, duam të jetojmë bashkë për një të ardhme më të mirë

09:29 | 30 Mars 2025
E.G

Bashkësia Islame e Kosovës (BIK) po organizon pritje në selinë e kësaj bashkësie me rastin e Fitër Bajramit.

Ipeshkvi i Kosovës, Dodë Gjergji vizitoi Bashkësinë Islame, duke e uruar myftiun Naim Tërnava për festën, shkruan Arbresh.info.

Ipeshkvi Gjergji theksoi rëndësinë e sakrificës dhe dashurisë për Zotin, duke vlerësuar përkushtimin e besimtarëve gjatë Ramazanit.

“Kam nderin që jam këtu për të uruar festën e Bajramit. Urime, sidomos për ata që kanë agjëruar. Çdo sakrificë që bëhet në emër të dashurisë së Zotit është për t’u vlerësuar dhe Zoti sigurisht që e vlerëson. Ne të gjithë jemi vëllezër dhe të gjithë duam të jetojmë bashkë për një të ardhme më të mirë për gjeneratat e reja”, u shpreh ai./Arbresh.info/